Районыбыҙҙа Рәсәй тарихы йылына арналған матур, күркәм саралар күп үтә. Шуларҙың иң үҙенсәлеклеһе “Хәтерләйбеҙ, баш эйәбеҙ” тип аталған эстафета. Уны район китапханаһы “Атайсал” һәм ағинәйҙәр клубы менән берлектә ойошторҙо. Ауылының тарихына битараф булмаған инәй-олатайҙар заманында ишеткән, яҙып алған мәғлүмәтте махсус альбомға теркәй, артабан уларҙы эстафета ваҡытында икенсе ауылға тапшыра. Сараның төп маҡсаты –1812 йылғы һуғышта ҡатнашҡан яугирҙарыбыҙҙың исемдәрен билдәләү, быуындарға ҡайтарыу. Шуныһы әһәмиәтле, эстафета ваҡытында ҡаһарман яугирҙарҙың яңы исемдәре билдәләнде. Ә 1812 йылғы Ватан һуғышында ҡатнашҡан баймаҡтар бихисап булған. Шуға күрә ауылдан-ауылға эстафета тапшырған олатай-инәйҙәр тағы бик күп мәғлүмәт туплаясағына шик юҡ.
Ике йөҙ йыл элек булған ваҡиғалар, унда ҡатнашҡан батыр башҡорттарҙың тормошо һәр кемде ҡыҙыҡһындыра. Ошондай эшкә беҙҙең йәштәрҙең, мәктәп уҡыусыларының да йәлеп ителеүе ҡыуаныслы.
Ошо көндәрҙә Темәс ауылының “Атайсал” һәм ағинәйҙәр клубы Ниғәмәт ауылына килде. Уларҙы ҡурай түңәрәгендә шөғөлләнгән балалар йыр-моң менән ҡаршы алды. Күркәм сарала Башҡортостандың билдәле шағиры, “Ағиҙел” журналының баш мөхәррир урынбаҫары Рәмил Йәнбәков һәм яҡташыбыҙ, “Киске Өфө” гәзитенең баш мөхәррир урынбаҫары Әхмәр Үтәбаевтың ҡатнашыуы һәр кем өсөн шатлыҡлы ваҡиға булды.
Район хакимиәте башлығы урынбаҫары И.М. Йәндәүләтов эстафета ҡабул итеүселәрҙе һәм тапшырыусыларҙы тәбрикләп: “Бөгөн Ниғәмәт ауылында оло байрам. Рәсәй тарихы йылына арналған эстафета был ауылға ла килеп етте. Шуныһы әһәмиәтле, ул үҙ эсенә бер нисә сараны алды. Билдәле булыуынса, “Хәтерләйбеҙ, баш эйәбеҙ” тип аталған эстафета февралдә башланғайны. Сараны декабрҙә урғаҙалар баймаҡтарға алып килеп тапшырып тамамлаясаҡ. Бөгөн темәстәр эстафетаның альбомын ниғәмәттәргә алып килде. Шуныһы әһәмиәтле, артабан ул Ниғәмәт, Үрге Яйыҡбай ауылдарының мәғлүмәте менән тупланасаҡ. Районыбыҙҙың һәр ауылында бик әүҙем эшләгән “Атайсал”, ағинәйҙәр клубына ҙур рәхмәт белдергем килә. Аҡһаҡалдар, өлкән йәштәге инәйҙәребеҙҙең оло тәрбиә эше артабан да дауам итһә, быуындарҙың күсәгилешлеге лә буласаҡ”, – тине.
Район китапханаһы директоры Л.Ҡ. Дәүләтшина “Атайсал”, ағинәйҙәр клубында әүҙем эшләүселәрҙе билдәләп үтте. Ул: “Ошо эстафеталар күптәр өсөн ниндәйҙер көтөлмәгән асыш алып килә икән. Районыбыҙҙың ҙурлығы ла һиҙелә – Әбделкәрим, Темәс һ.б. ауылдарҙа бер мәртәбә лә булмағандар осрай. Улар үҙ районы менән танышыуҙан ҙур шатлыҡ алып таралыша. Шулай уҡ тарихи яҡтан да эстафета бик әһәмиәтле. Ике йөҙ йыл элек булған ваҡиғалар, унда ҡатнашҡан батыр башҡорттарҙың тормошо һәр кемде ҡыҙыҡһындыра. Ошондай эшкә беҙҙең йәштәрҙең, мәктәп уҡыусыларының да йәлеп ителеүе ҡыуаныслы”, – тип һөйләп үтте.
Артабан Ниғәмәт ауыл биләмәһе башлығы Фәниә Ғилаж ҡыҙы Вәхитова сарала ҡатнашыусыларҙы ауыл тарихы, уның данлыҡлы кешеләре менән таныштырҙы, урындағы “Атайсал” клубы рәйестәренең эшен тик ыңғай яҡтан баһаланы. “Шуныһы ҡыуаныслы, ауылда тырыш, эшһөйәр кешеләр йәшәй. Бал ҡорто тотоусылар бар. 27 һуғыш ветераны һәм тол ҡалған ҡатындар сертификат буйынса торлаҡ алыуға өлгәште. Бер һүҙ менән әйткәндә, ауыл гөрләй, йәшәй”, – тине ул.
Ниғәмәттәр ҡунаҡтарына ҡурай, боронғо башҡорт йыр-көйҙәрен бүләк итте. Темәстәр ҙә эстафетаны тапшырырға ныҡлап әҙерләнгән ине. “Атайсал” клубы рәйесе Сәлимйән Ғәлләм улы Вәлиев Темәс ауылының тарихы, уның 1812 йылғы һуғышта ҡатнашҡан данлыҡлы улдары тураһында һөйләне. Ниғәмәт ауылындағы ойошманы етәкләгән Рәмил Сәфәрғәле улы Хәсәновтың бай мәғлүмәтле, ҡыҙыҡлы, тарихи яҡтан әһәмиәтле сығышын һәр кем йотлоғоп тыңланы. Боронғо башҡорт йырҙары, Рәил Хәсәновтың көслө тауышы, ҡурай моңо менән һуғарылған сара һиҙелмәй ҙә үтеп китте. Артабан темәстәр өсөн Ниғәмәт ауылы буйынса экскурсия ойошторолдо.
Алда – яңы эстафета. Хәҙер инде ниғәмәттәр бай йөкмәткеле сара менән Төркмән ауылына барасаҡ.
Гүзәл ИҪӘНГИЛДИНА.
Автор фотоһында: темәстәрҙе ҡаршылау.
Район хакимиәте башлығы урынбаҫары И.М. Йәндәүләтов эстафета ҡабул итеүселәрҙе һәм тапшырыусыларҙы тәбрикләп: “Бөгөн Ниғәмәт ауылында оло байрам. Рәсәй тарихы йылына арналған эстафета был ауылға ла килеп етте. Шуныһы әһәмиәтле, ул үҙ эсенә бер нисә сараны алды. Билдәле булыуынса, “Хәтерләйбеҙ, баш эйәбеҙ” тип аталған эстафета февралдә башланғайны. Сараны декабрҙә урғаҙалар баймаҡтарға алып килеп тапшырып тамамлаясаҡ. Бөгөн темәстәр эстафетаның альбомын ниғәмәттәргә алып килде. Шуныһы әһәмиәтле, артабан ул Ниғәмәт, Үрге Яйыҡбай ауылдарының мәғлүмәте менән тупланасаҡ. Районыбыҙҙың һәр ауылында бик әүҙем эшләгән “Атайсал”, ағинәйҙәр клубына ҙур рәхмәт белдергем килә. Аҡһаҡалдар, өлкән йәштәге инәйҙәребеҙҙең оло тәрбиә эше артабан да дауам итһә, быуындарҙың күсәгилешлеге лә буласаҡ”, – тине.
Район китапханаһы директоры Л.Ҡ. Дәүләтшина “Атайсал”, ағинәйҙәр клубында әүҙем эшләүселәрҙе билдәләп үтте. Ул: “Ошо эстафеталар күптәр өсөн ниндәйҙер көтөлмәгән асыш алып килә икән. Районыбыҙҙың ҙурлығы ла һиҙелә – Әбделкәрим, Темәс һ.б. ауылдарҙа бер мәртәбә лә булмағандар осрай. Улар үҙ районы менән танышыуҙан ҙур шатлыҡ алып таралыша. Шулай уҡ тарихи яҡтан да эстафета бик әһәмиәтле. Ике йөҙ йыл элек булған ваҡиғалар, унда ҡатнашҡан батыр башҡорттарҙың тормошо һәр кемде ҡыҙыҡһындыра. Ошондай эшкә беҙҙең йәштәрҙең, мәктәп уҡыусыларының да йәлеп ителеүе ҡыуаныслы”, – тип һөйләп үтте.
Артабан Ниғәмәт ауыл биләмәһе башлығы Фәниә Ғилаж ҡыҙы Вәхитова сарала ҡатнашыусыларҙы ауыл тарихы, уның данлыҡлы кешеләре менән таныштырҙы, урындағы “Атайсал” клубы рәйестәренең эшен тик ыңғай яҡтан баһаланы. “Шуныһы ҡыуаныслы, ауылда тырыш, эшһөйәр кешеләр йәшәй. Бал ҡорто тотоусылар бар. 27 һуғыш ветераны һәм тол ҡалған ҡатындар сертификат буйынса торлаҡ алыуға өлгәште. Бер һүҙ менән әйткәндә, ауыл гөрләй, йәшәй”, – тине ул.
Ниғәмәттәр ҡунаҡтарына ҡурай, боронғо башҡорт йыр-көйҙәрен бүләк итте. Темәстәр ҙә эстафетаны тапшырырға ныҡлап әҙерләнгән ине. “Атайсал” клубы рәйесе Сәлимйән Ғәлләм улы Вәлиев Темәс ауылының тарихы, уның 1812 йылғы һуғышта ҡатнашҡан данлыҡлы улдары тураһында һөйләне. Ниғәмәт ауылындағы ойошманы етәкләгән Рәмил Сәфәрғәле улы Хәсәновтың бай мәғлүмәтле, ҡыҙыҡлы, тарихи яҡтан әһәмиәтле сығышын һәр кем йотлоғоп тыңланы. Боронғо башҡорт йырҙары, Рәил Хәсәновтың көслө тауышы, ҡурай моңо менән һуғарылған сара һиҙелмәй ҙә үтеп китте. Артабан темәстәр өсөн Ниғәмәт ауылы буйынса экскурсия ойошторолдо.
Алда – яңы эстафета. Хәҙер инде ниғәмәттәр бай йөкмәткеле сара менән Төркмән ауылына барасаҡ.
Гүзәл ИҪӘНГИЛДИНА.
Автор фотоһында: темәстәрҙе ҡаршылау.
Комментариев нет:
Отправить комментарий
Примечание. Отправлять комментарии могут только участники этого блога.